الرئيسية / Uncategorized / مغربية اسست شركة ديال الروج إسمها “زينة” وقررت تسوقها عالميا

مغربية اسست شركة ديال الروج إسمها “زينة” وقررت تسوقها عالميا

دارت سناء خوجا، وهي إسبانية من أصول مغربية، نبيذ فالكانيط سماتو “زينة”، ومعولة تصدرو لمجموعة من البلدان فالشهورة الجاية.

سناء، عندها 33 عام، وخدمات 5 سنين كمديرة للعمليات ففيرما ديال الفان فبريروات فكاتالونيا، ومن بعد واحد الفورماسيون اكتشفات ان الفان فالكانيطات يقدر يوصل لمستهلكين كثار ماعندهمش معاه فالقرعة، ومنين رجعات  قررات دير هذ المشروع.

كتقول سناء: “ف2018، قررت ندخل لعالم الفان، وفاش مشيت لميريكان، اكتشفت اننا بامكاننا نديروه فكانيطة عوض قرعة”.

وزادت سناء ان الكانيطات ديال الفان ماشي بحال الكانيطة ديال الموناضا، حيت ديال النبيذ مغلفة من لداخل بطبقة كتحميها من انها تقيس الاليمينيوم، هذشي علاش قلبات على فورنيسور ديال هذ النوع من الكانيطات، وعاد مشات تقلب فالسوق على هذ المنتوج، والتوافق ديالو داخل الكانيطة، ومدة الصلاحية، والجودة.

واعتبرات سناء انها بهذشي ماكتنافسش الفان ديال القرعة، لكن البيرا اللي حتى هي كتدار فكانيطات، حيت “زينة” هي طريقة سهلة باش تشرب فلابلاج والكومبينكَ، ويقدر يتقدم مع الماكلة وفلوطيلات.

وأكدات سناء أن كَاع داكشي اللي كتصنع “زينة” إيكولوجي وبجودة مزيانة، ورخيص.

و”زينة” تباعت بنسبة 100 فالمية فالسوق المحلي العام لي فات، ودابا كتطمح مولاتها تسيفط 50 فالمية من المنتوج للسوق الأوروبي ولأمريكا اللاتينية.

عن الدولة الجديدة

شاهد أيضاً

العفو الملكي بمناسبة عيد الفطر غاتكون فيه مفاجآت..

العفو الملكي بمناسبة عيد الفطر غاتكون فيه مفاجآت.. واش هادي بداية انفراج سياسي وحقوقي كيف …

اترك تعليقاً

لن يتم نشر عنوان بريدك الإلكتروني.

error: Content is protected !!