الرئيسية / Uncategorized / شرح بالدرجة شكون هما الناس لي غدي تستافد من دعم الرميد وكيفاش

شرح بالدرجة شكون هما الناس لي غدي تستافد من دعم الرميد وكيفاش

الدولة الجديدة/مراد بلغازي

البلاغ الصحفي للجنة اليقظة الاقتصادية بالدارجة
ـــــــــــــــــــــــــــــــــــــــــــــــــــــــــــ

فبلاغ لجنة اليقظة الاقتصادية، اللي فيه قرار كيتعلق بكيفاش غايتوزع الدعم المؤقت من فلوس صندوق مواجهة الجائحة، على لأسر العاملة في القطاع غير المهيكل اللي تضررات من فيروس كورونا بانقطاعها عن العمل، وما لقات شنو تاكل، ولا شنو توكل لولادها.

هاد القرار غايتفعل على جوج مراحل:

المـــــرحــــلة الأولـــــى:

غاتستهدف الأسر اللي عندها بطاقة راميد، وخدام فقطاع ممهيكلش، يعني ممديكلارينش وممصرحش بهم، وتقطع رزقهم بتوقفهم عن العمل. هاذو غايستافدو من:

1- مبلغ 800 درهم لأسرة فيها جوج د الناس، ولا قل.
2- مبلغ 1000 درهم لأسرة فيها 3 د النفوس.
3- مبلغ 1200 درهم لأسرة فيها 4 د الناس، ولا كثر.

والمكلف بالأسرة، خاصو:

أ- يصيفط رقم بطاقة راميد ديالو فميساج للرقم 1212.
ب- لاكارط رميد ديالو تكون صالحة نهار 31-12-2019.

يعني اللي مات له لاكارط قبل هاذ التاريخ، يدوز يتحسب مع صحاب المرحلة الثانية.

المـــرحـــلة الثــانـيــــة:

غاتستهدف الأسرة الفقيرة الخدامة فشي خدمة غير مهيكلة، ومعندهاش بطاقة الرميد، غايستافدو من نفس القدر المالي اللي هضرنا عليه.

وهادو خاصهم يعمرو واحد المطبوع فالأنترنيت، غايخرج فالأيام الجاية.

وغايبدى توزيع المساعدات بشكل تدريجي ابتداء من نهار 6 أبريل 2020.

وأي واحد قدم شي تصريح كاذب، غايتعرض لمتابعة قضائية.

تعليق شخصي:

هاذي خطوة زوينة من الدولة، وفيها استجابة لشكاوى البسطاء فالأيام الماضية فمواقع التواصل.

عن الدولة الجديدة

شاهد أيضاً

أمن الخميسات يوقف مشتبهين في ارتكابهم جريمة قتل شاب بعين الخميس

تمكنت عناصر فرقة الشرطة القضائية بالمنطقة الإقليمية للأمن بمدينة الخميسات، أمس الاثنين، من توقيف ثلاثة …

اترك تعليقاً

لن يتم نشر عنوان بريدك الإلكتروني.

error: Content is protected !!