الرئيسية / Uncategorized / أثرياء الادسنس الجدد بلا خبار الضرائب : ندى حاسي كاتخلص اكثر من العثماني رئيس الحكومة ! الملولي كايدخل من يوتوب اكثر من من البرلمانيين ! مي نعيمة كاتربح اكثر من ضابط فالجيش !

أثرياء الادسنس الجدد بلا خبار الضرائب : ندى حاسي كاتخلص اكثر من العثماني رئيس الحكومة ! الملولي كايدخل من يوتوب اكثر من من البرلمانيين ! مي نعيمة كاتربح اكثر من ضابط فالجيش !

المغرب بداو كايبانو فيه طبقة جديدة ديال الاثرياء ! من غير دوك الاثرياء الكلاسيكيين لي كايبانو يا ايما بالوراثة سا ايما بالقراية، بالتجارة، الفلاحة و حتى اثرياء المخدرات …

اليوم كاينة طبقة قوية من اثرياء اليوتوب لي دايرين لاباس بالادسنس و الاشهارات و ماكاين غا عشرة د المليون فالشهر ! خمسطاش ! عشرين ! ندى حاسي مثلا فواحد اللقاء قالت انها كادخل عشرة – خمسطاشر مليون فالشهر من اليوتوب يعني ندى حاسي كاتخلص اكثر من رئيس الحكومة المغربية براسو و الأمثلة عديدة : البوليسي السابق الملوي لي ولا من اثرياء الادسنس ! مي نعيمة ! اسماء بيوتي! ولد الشرقي …

بلا مجهود كبير ! يكفي انك تكون قابل تتعاطا و تتشاطا و تبيع حياتك الخاصة باش تحقق الثراء فالادسنس و طبعا ضروري شوية ديال اللحيس للمشاهدين ” و حنا بلا بيكم مانكونوش” ” و هادشي بالفضل ديالكم ” ” و لي قلتو ليا نديرها نديرها” ” آوليداتي” “آكبيداتي”

طبقة كاتحقق مداخيل كبيرة تفوق الموظفين الكبار فالدولة و المؤسسات الكبيرة ديالها ! يوتوبورات اليوم كايتخلصو اكثر من البرلمانيين بل اكثر من رئيس الحكومة براسو و لكن السؤال لي ضارني فراسي هوا علاش ماكايخلصوش الضريبة على الدخل ؟! مداخيل الادسنس و مداخيل الاشهارات كلشي كايدوز للكونطات بلا ديكلاراسيون بلا تاحاجة ! علاش انا و الموظفين نخلصو الضريبة على جوج دريال ديال الصالير في حين اليوتوبورات مبرعين مع راساتهم بالدخل الصافي لي كايجيهم من الادسنس و من الاشهارات فالانستاغرام و اليوتوب لي كايضربو فيهم ملاين صحاح فالشهر.

عن الدولة الجديدة

شاهد أيضاً

الحموشي يحدث خلية جديدة لمحاربة التشرميل والكرساج

مواصلة لمسار تنزيل مخطط العمل الرامي إلى تعزيز التغطية الأمنية على الصعيد الوطني من خلال …

اترك تعليقاً

لن يتم نشر عنوان بريدك الإلكتروني.

error: Content is protected !!