جريدة الدولة الجديدة من خلال جريدة الدولة الجديدة، ننقل لكم الخبر و الرأي الحر
مقالات مشابهة
#القصة_كاملة
البنت لي شفنا فالفيديو الله يرحمها سميتها حنان فعمرها 27 سنة بنت “لكزا” في مدينة الرباط و أم لطفل … الوحش الادمي لي قتلها من بعد ما اغتصبها الاسم ديالو عبد الواحد ولد المراكشية ساكن فالملاح بمدينة الرباط كذلك … عندو سوابق وفايت مشدود اكتر من مرة و اخر مرة تشد رجال الأمن ضربوه بالقرطاس باش شدوه ( عندو سوابق بالإتجار في المخدرات والضرب و الجرح ) … كانت عندو علاقة غرامية مع الضحية، و كان كفرض عليها تمارس الدعارة باكدال ( كوقفها فشارع الابطال وكيفرض عليها تمارس دعارة الطريطوار وتجيب ليه فلوس ) … اخر شدة ليه خرج لقا حنان تبدلات يعني حيدات من ديك طريق و تعرفات على واحد ولد الناس عندو حانوت في مدينة الدار البيضاء لي لي دخل معها في علاقة غرامية وكان موعدها بالزواج … سيدة مابقاتش باغا ديك طريق و بغات دير وليداتها و دارها … ديك الليلة المعلومة من بعد ما عركها قرقوبي الملقب ب”ولد المراكشية” قام باستدراجها للمنزل ديالو تما وقع لي وقع ( شفتو الفيديو ) … من ما سالا حصة التعديب و الاغتصاب خرجها الشارع أمام الناس و شد مطرقة بقا كيضرب ليها فراسها حتى قتلها فعز الشباب ديالها .
الواقعة دازت عليها شهر ؛ المجرم شدوه رجال الأمن فنفس النهار و قدموه للمحاكمة بتهمة القتل العمد مع سبق الاصرار و الترصد … من بعد ما خرج الفيديو هاد الايام الإدارة العامة للأمن الوطني خرجات بيان شرحات فيه الحيتيات كاملة و دارو مذكرة بحت فحق مصور الفيديو .
